luns, 8 de novembro de 2021

ESPAZO COLABORATIVO TRANSFORMANDO EN BRION: VIDEO





Presentamos un percorrido polas cociñas do Espazo colaborativo Transformando en Brión onde se explica, entre outras cousas, como é e cómo se utiliza este espazo, ademais de todo o equipamento de que dispón.

Vídeo: pincha aquí

xoves, 17 de xuño de 2021

MERCADO DAQUI DARREDOR

 


Cartaz        Solicitude para montar postos        Información para os postos

Iniciamos unha nova andaina coa organización do MERCADO DAQUÍ DARREDOR, un mercado para dar a coñecer os nosos produtos da horta, frescos ou transformados, a nosa artesanía, a nosa gastronomía, e para promover a reutilización cos postos de segunda man.


Admitiranse os seguintes postos:

- produto labrego

- artesanía 

- segunda man


O mercado nace con moita ilusión e ganas e, para empezar, imos  poñelo en marcha os primeiros e terceiros venres de mes en horario de tarde, desde as 6 ata as 10.


Tentarase organizar todos os días algunha actividade para a familia, entre as 7 e as 8 da tarde. Para este primeiro día contaremos cun pequeno roteiro para coñecer as plantas medicinais que hai á beira do río Pego.


Haberá sombra en toda a zona do mercado. En caso de choiva farémolo no interior do centro comercial nese mesmo terceiro andar.

mércores, 27 de novembro de 2019

INAUGURACIÓN DO ESPAZO COLABORATIVO E FEIRA LABREGA EN BRION


INAUGURACIÓN DO ESPAZO COLABORATIVO

O vindeiro venres 13 de decembro inaugurarase o Espazo colaborativo de transformación de alimentos de Monte Balado, situado no Centro comercial Monte Balado, no 3º andar.

A inauguración será ás 13.00 horas e o acceso é libre para quen queira asistir.

FEIRA LABREGA

Ó día seguinte, sábado 14 de decembro, celebrarase a Feira labrega do ano 2019 alí mesmo, no Centro comercial Monte Balado. A feira abrirá ás 11 da mañá e pechará ás 7 da tarde, podendo incluso xantar alí. Na feira podedes atopar produtos de horta, artesanía e cousas de segunda man e podedes pasar un día entretido cos obradoiros e actuacións que vai haber ó longo de toda a xornada.

+Info: https://daquidarredor.blogspot.com/p/feira-labrega-2019.html

martes, 21 de agosto de 2018

GRUPOS DE TRABALLO DE MARMELADAS E MASAS: CONVOCATORIA

Convocatoria de xuntanza para os grupos de marmeladas e masas:

Orde do día:
     - Definición dos procesos de elaboración
     - Maquinaria e utillaxe necesarias

Data: martes 21 de agosto

Lugar: restaurante Kratos

Hora:
     - Marmeladas: 19.30 horas
     - Masas: 21.30 horas

martes, 14 de agosto de 2018

GRUPO DE TRABALLO DE ZUMES: CONVOCATORIA ENCONTRO

Convocatoria para a primeira xuntanza do grupo de traballo de zumes:

Orde do día:
     - Definición do proceso de elaboración
     - Maquinaria e utillaxe necesarias

Data: martes 14 de agosto

Lugar: restaurante Kratos

Hora: 19.30 horas

xoves, 19 de xullo de 2018

ENCONTRO DO GRUPO DE TRABALLO DA COCIÑA COLABORATIVA

Convocatoria para o primeiro encontro do grupo de traballo do proxecto da cociña colaborativa.

Orde do día:

     - Necesidades e posibilidades de cada persoa produtora
     - Planos de distribución do espazo da cociña colaborativa
     - Rexistro sanitario
     - Necesidades de formación
     - Regulamento de funcionamento e xestión do espazo colaborativo

Data: xoves 19 de xullo

Lugar: restaurante Kratos (Os Ánxeles)

Hora: 20.30 horas

luns, 21 de maio de 2018

DAQUI DARREDOR: PRESENTACION DO PROXECTO NAS PARROQUIAS DE BRION

Co fin de dar a coñecer o proxecto Daquí darredor: espazos colaborativos de transformación de alimentos caseiros, durante os meses de maio e xuño farase a presentación tanto do proxecto da cociña colaborativa como do matadoiro móbil nas diferentes parroquias do Concello de Brión e na Casa da cultura do mesmo concello.

Estas presentacións están abertas a todas aquelas persoas que estean interesadas en participar no  proxecto ou que simplemente teñan curiosidade por saber en qué consiste iso de espazos colaborativos para o primeiro sector.

O calendario das charlas informativas é o seguinte:

- 22 de maio: ás 10.30 horas no teleclube de Viceso
- 24 de maio: ás 10.30 horas no teleclube de Cornanda
- 25 de maio: ás 20.30 horas na sala de exposicións da Casa da Cultura (Brión)
- 29 de maio: ás 10.30 horas no teleclube da Luaña
- 31 de maio: ás 10.30 horas no teleclube de Ons
- 2 de xuño: ás 10.30 horas na sala de exposicións da Casa da Cultura (Brión)
- 5 de xuño: ás 10.30 horas no local social de Soigrexa (Bastavales)
- 7 de xuño: ás 10.30 horas na sala de exposicións da Casa da Cultura (Brión)

Cartaz charlas parroquias: descargar aquí

Cartaz charlas sala de exposicións: descargar aquí

Presentación do proxecto: descargar aquí